بسم الله الرحمن الرحيم
عجينة البغرير الى خمرات بزاف رديها لمولينيكس دور جوج دورات و طيبيه مباشرة
💎– لخضرة ديالك فاش تبغي تغسليها ديري نقيطة ديال الخل او شوية ديال الملح مع لماء
💎– باش يجيك السفرجل احمر ولونو دهبي، سلقي السفرجل او من الاحسن يتفور مع عواد اديال القرفة من بعد عسليه في السكر والبرتقال عوض الماء وشوية قرفة وكثري السكركيجي رائع في اللون و المداق
💎– الى كيتجمع ليك النمل على بواطة ديال السكر لوحي فيها شي 2 حبات ديال لقرنفل
💎– فاش تبغي تصبني لموكيط او زربية خوي عليهم لما باش يرطابو من بعد دوزي عليهم صابون لحجرة او صابون لبلدي حيت الصابون كيحافظ على الالوان حسن من لمنظفات الاخرى وخليهم يفسزكو. من بعد حكيهم بشيتة رطبة و شليهم مزيان . تشليلة لخرا زيدي فيها الخل
💎– مولينكس ديري فيها الما دافي وصابون الماعن وشوي الخل وشعلها كتخرج كتلمع وملي كيحفى ليها الموس طحني فيها مكعبات ديال الثلج كترجع ماضية اما الكاس فاش كنطحني العطرية، باش تحيد منو الريحة طحني طريف ديال الخبز يابس وها الريحة مشات
💎– بديل المايونيز
خودي حك ديال ياغورت طبيعي مسوس و زيدي عليه شوية ملح و ابزار و ملعقة صغيرة زيت مائدة و شوية خل و خلطي مزيان حتى تحصلي على صلصة بحال المايونيز
💎– لاعطاء نكهة خاصة للسفة ديال الشعرية ديري اعواد ديال القرفة في الماء اللي غدي تفوريها فيه
💎– لاعطاء نكهة للسفة ديال الروز ديري فالماء اللي كيفور فيه (النافع نجيمات)
بالنسبة للشعرية الصينية ديري ورقة سيدنا موسى
💎– علبة الطون خلطيها في الخلاط بزيتها ديري معاها زعيترة مع عصير الحامض حتى تولي بشكل بوماد ويمكن لينا نعمروا بها القاع ديال القوق او كنخلطوها مع السلطة ديالنا بلاصة الميونيز
💎– قبل ما تمضي لمواس ديروهم فى ماء غليان 5دقائق
💎– زلافة البديع قلبيها ومضيو بها الموس من الجهة الغليظة
💎– الى بغينا ندهنو الكرص ومعدناش البيض. نصف كاس الحليب مع سكر كلاصى او سنيدة ونخلطو مزيان وندهنو الوجه ديال الكرص
💎– باش توجدي القهوة و حليب بسرعة، عوض ماديري الماء في الكوكوت ديال القهوة ديري الحليب و الفوق فالصفاية ديري القهوة و و سدي
💎– باش تنسمي سنيدة
نسميها بعود الفاني، خودي زيف ناشف مسحي بيه عود الفاني وحطيه في سنيدة و سدي عليها في قرعة حتى يتنسم. الى مكانش عود الفاني ديري ا3 اكياس الفاني في كيلو سنيدة
📌📌📌
ﻧﺼﺎﺋﺢ ﻣﻔﻴﺪﺓ ومهمة..
– ﺇﻟﻰ ﻛﻨﺘﻲ ﺩﺍﻳﺮﺓ ﺍﻟﻤﺮﻗﺔ ﺍﻭ ﺑﻐﻴﺘﻲ ﺗﺰﻳﺪﻱ ﺍﻟﻤﺎﺀ ﺧﺎﺻﻮ ﻳﻜﻮﻥ ﺳﺨﻮﻥ ﻣﺎﺷﻲ ﺑﺎﺭﺩ.
-ﺇﻟﻰ ﻛﻨﺘﻲ ﻛﺘﻘﻠﻲ ﺃﻱ ﺣﺎﺟﺔ ﻓﻮﻕ ﺍﻟﺒﻮﻃﺔ ﺟﻬﺪﻱ ﺍﻟﻌﺎﻓﻴﺔ ﻣﻦ ﺑﻌﺪ ﻧﻘﺼﻲ ﻋﻠﻴﻬﺎ.
-ﺍﻟﻘﺰﺑﻮﺭ ﺣﺒﻮﺏ ﻣﻄﺤﻮﻥ ﻛﻴﺠﻲ ﻟﺬﻳﺬ ﺑﺰﺍﺍﺍﻑ ﻣﻊ ﺍﻟﻠﺤﻢ.
-ﺍﻟﻰ ﺑﻐﻴﺘﻲ ﺍﻟﻜﻴﻜﺔ ﺗﺠﻲ ﻃﺎﻟﻌﺔ ﺑﺰﺍﻑ ﺩﻳﻤﺎ ﻫﺰﻱ ﺍﻳﺪﻳﻚ ﻟﻔﻮﻕ ﺑﺤﺎﻝ ﺇﻟﻰ ﻛﺘﻜﺒﻲ ﺃﺗﺎﻱ ﺣﺘﻰ ﺗﻔﺮﻏﻴﻬﺎ ﻛﺎﻣﻠﺔ ﺍﻭ ﻫﻜﺬﺍ ﻏﺎﺩﻱ ﺗﺴﻤﺤﻲ ﺑﺪﺧﻮﻝ ﺍﻟﻬﻮﺍﺀ ﺍﻟﻤﺆﺩﻱ ﻹﻧﺘﻔﺎﺥ ﺍﻟﻜﻴﻚ.
-ﻣﻠﻲ ﺗﻜﻮﻧﻲ ﻛﺎﺗﻘﻠﻲ ﺍﻟﻜﺮﻭﻓﻴﺖ ﻣﺎ ﺗﻨﻘﺼﻴﺶ ﺍﻟﻌﺎﻓﻴﺔ ﻭ ﺇﻼ ﻏﺎﺩﻱ ﻳﺘﺠﻤﻊ ﺍﻭ ﻳﺘﻘﻠﺺ ﺍﻟﺤﺠﻢ ﺩﻳﺎﻟﻮ ﺧﻠﻲ ﺍﻟﻌﺎﻓﻴﺔ ﻣﺠﻬﺪﺓ ﺍﻭ ﻓﻘﻂ ﻳﺒﻴﺎﺽ ﻭ ﻧﺰﻭﻟﻮﻩ ﻧﺨﻠﻴﻮﻩ ﻧﻴﺊ ﻣﻦ ﺍﻟﺪﺍﺧﻞ.
-ﺍﻟﺮﻓﻴﺴﺔ ﺳﺮﻫﺎ ﺍﻟﺜﻮﻣﺔ ﺷﻲ 2 ﻛﺮﻛﻮﺑﺎﺕ ﺍﻟﻰ ﻛﻨﺘﻲ ﻏﺪﻳﺮﻱ ﺩﺟﺎﺟﺔ ﻛﺎﻣﻠﺔ ﻭ ﺧﺼﻮﺻﺎ ﺍﻟﺒﻠﺪﻱ ﺍﻭ ﺍﻟﻤﺴﺎﺧﻦ.
ﻓﺎﺵ ﺩﻳﺮﻱ ﺍﻟﻠﺤﻢ ﻭ ﺍﻟﻠﻮﺑﻴﺎ ﺍﻟﺒﻴﻀﺎﺀ ﺩﻳﺮﻱ ﻣﻌﺎﻫﻢ 3 ﺍﻭ 4 ﻣﻦ ﻧﻮﺍﺓ ﺍﻟﺘﻤﺮ (ﺍﻟﻌﻀﻮﻣﺎ ﺩﻳﺎﻝ ﺍﻟﺘﻤﺮ) ﺍﻟﻠﺤﻢ ﻛﻴﺠﻲ ﻓﺘﻲ ﺍﻭ ﻣﻌﺘﺒﺮ.
-ﺑﺎﺵ ﻳﺒﻘﻰ ﻟﻴﻚ ﺍﻟﺒﻴﺴﻜﻮﻱ ﺃﻭ ﺍﻟﻔﻘﺎﺹ ﻣﻘﺮﻣﺸﻴﻦ ﻟﻮﺣﻲ ﻣﻌﺎﻫﻢ ﻃﺮﻑ ﻣﻦ ﺍﻟﺴﻜﺮ.
-ﺇﻟﻰ ﻛﺎﻥ ﻋﻨﺪﻙ ﺍﻟﺨﺒﺰ ﻓﺎﻟﻔﺮﻳﻜﻮ ﺍﻭ ﻣﺎ ﻛﺎﻧﺶ ﻋﻨﺪﻙ ﺍﻟﻤﻴﻜﺮﻭﻧﺪ .. ﺑﻼ ﻣﺘﺸﻌﻠﻲ ﺍﻟﻔﺮﺍﻥ ﺷﺪﻱ ﻏﻴﺮ ﺍﻟﻜﻮﻛﻮﺕ ﺷﻌﻠﻲ ﻋﻠﻴﻬﺎ (ﺍﻭ ﻫﻲ ﺧﺎﻭﻳﺔ) ﺣﺘﻰ ﺗﺴﺨﻦ ﻣﺰﻳﺎﺍﺍﺍﺍﻥ ﺍﻭ ﻃﻔﻲ ﺍﻟﻌﺎﻓﻴﺔ ﺍﻭ ﺩﻳﺮﻱ ﻓﻴﻬﺎ ﺍﻟﺨﺒﺰ ﺍﻭ ﺳﺪﻳﻬﺎ ﻭ ﺩﻳﺮﻱ ﺍﻟﺼﻔﺎﺭﺓ ﺍﻭ ﺧﻠﻴﻬﺎ ﻭﺍﺣﺪ ﺷﻮﻳﺔ ﺍﻭ ﻫﺎ ﺍﻟﺨﺒﺰ ﺳﺨﻮﻥ ﺍﻭ ﺭﻃﺐ.
-ﺇﻟﻰ ﺑﻐﻴﺘﻲ ﺩﻳﺮﻱ ﺍﻟﻠﻮﺯ ﺍﻭ ﻛﺎﻭﻛﺎﻭ ﺻﺤﻴﺢ ﻓﺎﻟﻔﻘﺎﺹ ﺍﻭ ﻣﺎ ﻳﺘﻔﺘﺘﺶ ﻟﻴﻚ ﻓﻲ ﺍﻟﺘﻘﻄﺎﻉ ﺭﻃﺒﻲ ﺍﻟﻠﻮﺯ ﺍﻭ ﻛﺎﻭﻛﺎﻭ ﻓﻲ ﺍﻟﻤﺎﺀ ﺍﻭ ﺍﻟﻤﺎ ﺯﻫﺮ (ﻛﻨﻔﻀﻞ ﺍﻟﻤﺎ ﺯﻫﺮ) ﻋﺎﺩ ﺩﻳﺮﻳﻪ ﺑﺎﺵ ﻣﻠﻲ ﺗﻘﻄﻌﻴﻪ ﻛﻴﺠﻲ ﺑﺎﻳﻦ ﺍﻟﻤﻨﻈﺮ ﺩﻳﺎﻟﻮ ﺍﻭ ﺯﻭﻳﻦ.
-ﺍﻟﻤﺴﻤﻦ ﺑﺎﺵ ﻳﺠﻲ ﻣﻮﺭﻕ ﺍﻭ ﺳﺎﻫﻞ ﻓﺎﻟﺘﻮﺭﺍﻕ ﻋﻠﻴﻚ ﺑﺎﻟﻤﺪﻟﻚ ﻛﻴﻄﻠﻘﻮ ﺑﻤﻨﺘﻬﻰ ﺍﻟﺴﻬﻮﻟﺔ ﺍﻭ ﺃﻫﻢ ﺣﺎﺟﺔ ﺍﻟﻴﺪﻳﻦ ﻛﻴﺮﺗﺎﺣﻮ ﻣﻦ ﻛﺜﺮﺓ ﺍﻟﺘﻜﺮﺍﺱ.
ﺃﻭ ﻣﺎ ﺗﻨﺴﺎﻭﺵ ﺑﺎﺵ ﺍﻟﻌﺠﻴﻨﺔ ﺗﻜﻮﻥ ﻃﻮﻋﻚ ﺧﻠﻴﻬﺎ ﺗﺮﺗﺎﺡ ﺍﻭ ﻣﺘﻜﺘﺮﻳﺶ ﺍﻟﺨﻤﻴﺮﺓ.
-ﺍﻟﻠﻮﺑﻴﺎ ﺍﻟﺒﻴﻀﺎﺀ ﺩﻳﺮﻱ ﻣﻌﺎﻫﺎ 2 ﺍﻭﻼ 3 ﺍﻟﻮﺭﻳﻘﺎﺕ ﺩﻳﺎﻝ ﺁﺯﻳﺮ ﻳﺎﺑﺲ ﻛﺘﺠﻲ ﻟﺬﻳﺬﺓ ﺍﻭ ﻣﻜﻀﺮﺷﻲ ﻓﺎﻟﻤﻌﺪﺓ.
– آخر نصيحة إلى قريتي هادشي واستفدتي ماتنساش رحمة للوالدين
منقووول للفائدة 
♥️
😘